Ունիվերսիադա 2026․ մեկ ամիս միասնության, մրցակցության և հաղթանակների

2026 թվականի փետրվարի 20-ին տեղի ունեցավ «Ունիվերսիադա 2026»-ի բացման հանդիսավոր արարողությունը, որով պաշտոնապես մեկնարկեց հանրապետության բուհերի ամենասպասված ուսանողական միջոցառումներից մեկը։

Ռուս-Հայկական համալսարանը ՀՀ պաշտպանության նախարարության հետ համատեղ կազմակերպեց Ունիվերսիադան՝ մեկ հարթակում միավորելով Հայաստանի տարբեր բուհերի ուսանողներին։ Ունիվերսիադան վաղուց արդեն պարզապես ուսանողական միջոցառում չէ․ այն միասնության, հայրենասիրության և Հայաստանի հանդեպ սիրո արտահայտումն է։ Միջոցառման շրջանակում մեկ ամսվա ընթացքում անցկացվեցին մարզական, մշակութային և ինտելեկտուալ մրցումներ, որոնցում մասնակցեցին հանրապետության տարբեր բուհերի ուսանողներ։ Այս ժամանակահատվածը լի էր մրցակցային ոգով, նոր ձեռքբերումներով, ջերմ հանդիպումներով և վառ հույզերով։

Ունիվերսիադայի ընթացքում ձևավորվեց ոչ միայն մրցակցության առողջ մթնոլորտ, այլև նոր ընկերություններ, համագործակցության կամուրջներ և հիշարժան պահեր, որոնք երկար կմնան մասնակիցների հիշողության մեջ։ 2026 թվականի մարտի 20-ին Ունիվերսիադա 2026-ը մոտեցավ իր գեղեցիկ ավարտին։ Այդ օրը տեղի ունեցավ փակման հանդիսավոր արարողությունը, որի ընթացքում ամփոփվեցին մարզական և մշակութային հագեցած շաբաթների արդյունքները և պարգևատրվեցին հաղթողները։

Մրցումների արդյունքներով մրցանակային տեղերը բաշխվեցին հետևյալ կերպ․

I տեղ — ՀՀ ՊՆ Վազգեն Սարգսյանի անվան ռազմական ակադեմիա

II տեղ — Ռուս-Հայկական համալսարան

III տեղ — Հայաստանի ազգային պոլիտեխնիկական համալսարան Այս օրերը դարձան ոչ միայն մրցակցության, այլև ընկերության, նվիրումի և ոգեշնչման օրեր, որոնց ընթացքում ստեղծվեց նոր պատմություն՝ լի հաղթանակներով, ժպիտներով և անկեղծ հույզերով։

Թող Ունիվերսիադայի ոգին շարունակ ապրի ուսանողների սրտերում՝ հիշեցնելով, որ միասին հնարավոր է հասնել նոր հաղթանակների և կերտել ավելի ուժեղ ու միավորված ապագա։