Մեդվեդևը կոշտ արձագանքել է Կալլասին․ հիշեցրել է Դոնբասի և Էստոնիայի «պատմական պատկանելությունը»

Ռուսաստանի Անվտանգության խորհրդի փոխնախագահ Դմիտրի Մեդվեդևը քննադատել է Եվրամիության դիվանագիտության ղեկավար Կայա Կալլասին՝ անդրադառնալով նրա հայտարարություններին Դոնբասի վերաբերյալ։ Մեդվեդևը սոցիալական ցանցում գրել է, որ պատմականորեն Դոնբասը, ինչպես նաև Էստոնիան, եղել են Ռուսաստանի կազմում։

Նա կտրուկ ձևակերպումներով է արձագանքել Կալլասի այն դիրքորոշմանը, թե Ռուսաստանը պահանջում է իրեն չպատկանող տարածքներ։ Մեդվեդևի խոսքով՝ նման գնահատականները սխալ են և անտեսում են պատմական իրողությունները։

Ավելի վաղ Մեդվեդևը նաև հայտարարել էր, որ Ռուսաստանում ներկայումս նոր մոբիլիզացիայի անհրաժեշտություն չկա։ Նրա խոսքով՝ պայմանագրային զինծառայողների թիվը բավարար է հատուկ ռազմական գործողության շրջանակում առաջադրված խնդիրները կատարելու համար։