ՀՀ դեսպանը մի շարք բարձր մակարդակի հանդիպումներ է ունեցել Դոմինիկյան Հանրապետությունում
Աշխարհ
Մարտի 23-24-ը համատեղության կարգով Դոմինիկանայի Հանրապետությունում (ԴՀ) ՀՀ դեսպան Անահիտ Հարությունյանը (նստավայրը՝ Օտտավա) աշխատանքային այց է կատարել ԴՀ, հայտնում են դեսպանությունից։
«Մարտի 23-ին ՀՀ դեսպանը հանդիպում է ունեցել ԴՀ արտաքին գործերի նախարարի` երկկողմ արտաքին քաղաքականության հարցերով տեղակալ Ֆրանսիսկո Կարաբայոյի հետ։
Քննարկվել են երկկողմ օրակարգի փոխադարձ հետաքրքրություն ներկայացնող հարցեր։ Զրուցակիցները վերահաստատել են իրենց հանձնառությունը շարունակելու երկկողմ հարաբերությունները զարգացնելու ուղղությամբ տարվող աշխատանքները։
Ա. Հարությունյանը մի շարք այլ հանդիպումներ է ունեցել ԴՀ ԱԳ նախարարությունում, այդ թվում՝ ԴՀ ԱԳ նախարարի՝ բազմակողմ արտաքին քաղաքականության հարցերով տեղակալ Ռուբեն Սիլյեի, ԴՀ ԱԳ նախարարի` տնտեսական և միջազգային համագործակցության հարցերով տեղակալ Ուգո Ռիվերայի, ԴՀ ԱԳ նախարարի՝ հյուպատոսական և միգրացիոն հարցերով տեղակալ Օպինիո Դիասի, ԴՀ ԱԳՆ Ասիայի և Օվկիանիայի հետ հարաբերությունների հարցերով պատասխանատու դեպարտամենտի գլխավոր տնօրեն Խորխե Սանտյագոյի, ինչպես նաև ԴՀ ԱԳՆ Իրավական հարցերով պատասխանատու դեպարտամենտի տնօրեն Բոնի Գերերոյի հետ։
Հանդիպումների ընթացքում կողմերը վերահաստատել են երկու պետությունների միջև փոխշահավետ համագործակցությունը խորացնելու պատրաստակամությունը և կարևորել փոխայցելությունները և շփումները երկկողմ ու բազմակողմ հարթակներում:
Մարտի 24-ին Ա. Հարությունյանը հանդիպել է Սանտո Դոմինգոյի քաղաքապետ Կարոլինա Մեխիայի հետ։ Զրուցակիցներն անդրադարձել են ապակենտրոնացված փոխգործակցության հարցերին։
ՀՀ դեսպանը հանդիպել է նաև ԴՀ ԱԳՆ ներքո գործող Դիվանագիտական և հյուպատոսական վերապատրաստման հարցերով բարձրագույն կրթության ինստիտուտի (INESDYC) տնօրեն Խոսե Ռաֆայել Էսպաիյատի հետ։
Քննարկվել են ՀՀ դիվանագիտական դպրոցի և վերոնշյալ ինստիտուտի միջև կրթական համագործակցության հարցերը։
Ա. Հարությունյանն առանձին հանդիպում է ունեցել նաև ԴՀ-ում բնակվող ՀՀ քաղաքացիների հետ։
Այցի ընթացքում ՀՀ դեսպանին ուղեկցել է ԴՀ-ում ՀՀ պատվավոր հյուպատոս Ռ. Գարսիան»,-նշվում է հաղորդագրության մեջ։
ՈՒՂԻՂ ԵԹԵՐ
Ամենադիտված 
Հայտնի է ապրիլ ամսվա կենսաթոշակների վճարման օրը
