Օդային տագնապի ազդանշաններ Իսրայելում

Իսրայելի ներքին պաշտպանության հրամանատարությունը հայտնել է, որ օդային տագնապի ազդանշաններ են հնչում երկրի տարբեր շրջաններում, այդ թվում՝ Նեգևի անապատում, Դիմոնայի շրջանում, Բեերշևայում, Արադում և Աշքելոնում։

Նշվում է, որ ազդանշանները գործարկվել են հնարավոր հրթիռային կամ օդային սպառնալիքների պատճառով։ Նման դեպքերում բնակչությանը կոչ է արվում անհապաղ տեղափոխվել պաշտպանական ապաստարաններ։

Միևնույն ժամանակ, Իրանը հայտարարել է, որ պատրաստվում է կոշտ պատասխան քայլերի՝ Իսրայելի կողմից ավելի վաղ իրականացված հարվածների համար, որոնք ուղղված էին երկու միջուկային օբյեկտների և երկու խոշոր մետաղաձուլական գործարանների դեմ։

Տարածաշրջանում լարվածությունը շարունակում է աճել՝ պահպանելով լայնամասշտաբ բախումների վտանգը, տեղեկացնում է AL-JAZEERA-ն։