Պակիստանը, Սաուդյան Արաբիան, Եգիպտոսը և Թուրքիան կքննարկեն Մերձավոր Արևելքում ստեղծված իրավիճակը
Աշխարհ
Սաուդյան Արաբիայի, Եգիպտոսի և Թուրքիայի արտգործնախարարները մարտի 29-30-ը կայցելեն Պակիստանի մայրաքաղաք Իսլամաբադ՝ Մերձավոր Արևելքում լարվածության թուլացման ուղիները քննարկելու համար, հաղորդում է Պակիստանի արտաքին գործերի նախարարության մամուլի ծառայությունը։
«Պակիստանի փոխվարչապետ և արտաքին գործերի նախարար Իսհաք Դարի հրավերով Սաուդյան Արաբիայի արտաքին գործերի նախարար Ֆեյսալ բին Ֆարհան ալ Սաուդը, Թուրքիայի արտաքին գործերի նախարար Հաքան Ֆիդանը և Եգիպտոսի արտաքին գործերի նախարար Բադր Աբդել Աթան կայցելեն Իսլամաբադ 2026 թվականի մարտի 29-30-ը», - ասվում է հայտարարության մեջ:
«Այցի ընթացքում արտաքին գործերի նախարարները մանրամասն քննարկումներ կանցկացնեն մի շարք հարցերի շուրջ, այդ թվում՝ տարածաշրջանում լարվածության թուլացման ջանքերի վերաբերյալ»:
Պակիստանի արտաքին գործերի նախարարությունը հավելել է, որ պատվիրակությունների ավագ անդամները կհանդիպեն նաև Պակիստանի վարչապետ Շահբազ Շարիֆի հետ:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
