ԱՄՆ գաղտնի ծառայության գործակալը պատահմամբ կրակել է իր ոտքին

ԱՄՆ Գաղտնի ծառայության գործակալը, որը նշանակվել էր նախկին առաջին տիկին Ջիլ Բայդենի անվտանգության համար, պատահաբար կրակել է իր ոտքին, հաղորդում է Associated Press (AP)-ը։

Դեպքը տեղի է ունեցել ուրբաթ օրը Ֆիլադելֆիայի միջազգային օդանավակայանում։ Վիրավոր գործակալը ստացել է անհապաղ բժշկական օգնություն և այժմ գտնվում է հիվանդանոցում։ Դեպքը չի ազդել օդանավակայանի գործունեության վրա։

Ըստ AP-ի՝ Ջիլ Բայդենը «չի մոտեցել միջադեպի վայրին»։ Նախկին նախագահ Ջո Բայդենի ներկայացուցիչները հրաժարվել են մեկնաբանություն տալ։

ԱՄՆ Գաղտնի ծառայությունը պատասխանատու է երկրի բարձրաստիճան պաշտոնյաների պաշտպանության համար։ 1965 թվականից ի վեր այն ապահովել է նախկին բարձրաստիճան պաշտոնյաների և նրանց ընտանիքների անվտանգությունը։