Ֆինլանդիայի ռազմաօդային ուժերը բացատրել են` ինչու չեն կարողացել խոցել ուկրաինական ԱԹՍ-ները

Ֆինլանդիայի ռազմաօդային ուժերի հրամանատար Տիմո Հերրանենը հայտարարել է, որ ֆիննական ուժերը չեն խոցել ուկրաինական անօդաչու թռչող սարքերը, քանի որ համարել են, որ դրանք սպառնալիք չեն, հաղորդում է ՌԻԱ Նովոստին։

Նա ընդգծել է, որ ներկայումս Ֆինլանդիայի համար ռազմական սպառնալիք չկա։

«Ինչքան մենք հասկանում ենք, դրանք առանձին ուկրաինական անօդաչու թռչող սարքեր էին, որոնք այս կամ այն ​​պատճառով մոլորվել են մեր տարածաշրջանում», - ասել է Հերրանենը։

«Հետևաբար, ֆիննական զինվորականները չեն խոցել անօդաչու թռչող սարքերը», -բացատրել է նա։ Նա հրաժարվել է մեկնաբանել այն հնարավորությունը, որ անօդաչու թռչող սարքերը կարող էին բախվել բնակելի շենքերի հետ։