«Ինձ օգտագործել են»․ Սլավա

Ռուս երգչուհի Սլավան (Անաստասիա Սլանևսկայա) հայտարարել է, որ իր կյանքի դժվար փուլում բախվել է մտերիմ մարդկանց դավաճանությանը։ Նա իր սոցիալական էջում կիսվել է զգացմունքային գրառումներով՝ պատմելով, որ ծանր հոգեվիճակում է։

Երգչուհու խոսքով՝ ինքը երկար ժամանակ աջակցել է ընտանիքին և ակնկալել փոխադարձ վերաբերմունք, սակայն փոխարենը իրեն «օգտագործել և դավաճանել են»։ Նա խոստովանել է, որ ամեն օր լաց է լինում և դժվարությամբ է դիմանում ստեղծված իրավիճակին՝ նշելով նաև, որ իրեն ցավ է պատճառում նման վերաբերմունքը։

Սլավայի շուրջ սկանդալը խորացել է նաև նրա վերջին համերգից հետո, երբ հանդիսատեսը դժգոհել էր նրա պահվածքից՝ պնդելով, որ նա բեմ է դուրս եկել ոչ սթափ վիճակում։ Ավելի ուշ երգչուհին հրապարակել էր տեսանյութ, որտեղ լաց լինելով խոստովանել էր վատ ինքնազգացողության մասին և խոստացել վերադարձնել տոմսերի գումարը։