Ուկրաինան փորձում է դառնալ զենքի գլոբալ մատակարար․ Իրանի պատերազմը կարող է բացել նոր շուկաներ

Ուկրաինան ակտիվորեն փորձում է իր անօդաչու տեխնոլոգիաները դուրս բերել միջազգային շուկա՝ օգտագործելով Մերձավոր Արևելքում Իրանի հետ կապված հակամարտությունը որպես հնարավորություն։ Reuters-ի փոխանցմամբ՝ նախագահ Վլադիմիր Զելենսկին վերջին օրերին այցելել է Պարսից ծոցի երկրներ՝ պաշտպանական համագործակցության և հնարավոր գործարքների շուրջ բանակցություններ վարելու համար։

Ուկրաինական ընկերությունները, որոնք մասնագիտանում են դռոնների արտադրության և հատկապես դրանց խոցման համակարգերի մեջ, արդեն ստացել են հետաքրքրություն տարածաշրջանի մի շարք երկրներից։ Փորձագետների գնահատմամբ՝ Իրանի կողմից կիրառվող համեմատաբար էժան անօդաչուները բացահայտել են բազմաթիվ երկրների խոցելիությունը, ինչն էլ մեծացրել է պահանջարկը նման տեխնոլոգիաների նկատմամբ։ Ուկրաինան, ունենալով Ռուսաստանի հետ պատերազմի փորձ, փորձում է այդ գիտելիքը վերածել արտահանման և տնտեսական զարգացման հնարավորության։

Միևնույն ժամանակ ոլորտի ներկայացուցիչները զգուշացնում են, որ Կիևը կարող է ուշանալ՝ բաց թողնելով այս կարևոր պահը։ Չնայած մեծ ներուժին՝ արտահանման քաղաքականությունը դեռ ամբողջությամբ ձևավորված չէ, իսկ ընկերությունները սպասում են կառավարության թույլտվությանը։ Եթե գործընթացը արագացվի, Ուկրաինան կարող է առաջիկա տարիներին դառնալ պաշտպանական տեխնոլոգիաների խոշոր խաղացող՝ մինչև 10 միլիարդ դոլարի տարեկան արտահանմամբ։