«Դատաստանի օրվա ռադիոն» հաղորդել է «շեյխ» բառը

Ռուսական հայտնի ՈւՎԲ-76 կարճալիք ռադիոկայանը, որը հաճախ անվանում են «Դատաստանի օրվա ռադիո», հերթական կոդավորված հաղորդագրությունն է փոխանցել՝ օգտագործելով «շեյխ» բառը։ Այս մասին հայտնում է «ՈւՎԲ-76 լոգեր» Telegram-ալիքը, որը հետևում է կայանի եթերին։

Հաղորդագրությունը հնչել է Մոսկվայի ժամանակով 13:01-ին, իսկ մեկ ժամից ավելի անց եթերում հայտնվել է ևս մեկ հաղորդագրություն՝ «սրեզովակ» բառով։ Նշվում է, որ նման բովանդակությամբ կոդեր նախկինում չեն գրանցվել։ Ռադիոկայանը սովորաբար փոխանցում է թվային և բառային շիֆրեր, որոնց նշանակությունը պաշտոնապես չի բացահայտվում։

ՈւՎԲ-76-ը գործում է դեռևս 1976 թվականից և հայտնի է իր մշտական «զզզացող» ձայնով, ինչի պատճառով ստացել է «ժուժժալկա» մականունը։ Տարիների ընթացքում նրա հաղորդումները հաճախ դարձել են քննարկումների թեմա, իսկ որոշ օգտատերեր փորձում են դրանք կապել միջազգային իրադարձությունների հետ, թեև դրանց իրական նպատակը մնում է անհայտ։