Հորմուզի նեղուցում «արգելափակվել է» համաշխարհային պարարտանյութերի մեկ երրորդը

Հորմուզի նեղուցում խափանվել են պարարտանյութերի մատակարարումները, ինչի հետևանքով այնտեղ «կուտակվել է» համաշխարհային պաշարների մոտ մեկ երրորդը։ Այս մասին հայտնում է Barron’s-ը՝ նշելով, որ Պարսից ծոցի երկրները հանդիսանում են միզանյութի, ֆոսֆատների, ամոնիակի և ծծմբի խոշոր մատակարարներ, սակայն այդ արտադրանքի ռազմավարական պահեստներ գրեթե չկան՝ կարճ պահպանման ժամկետի պատճառով։ Իրանում պատերազմի սկսվելուց հետո պարարտանյութերի գներն արդեն աճել են ավելի քան 30 տոկոսով։

Մասնագետների գնահատմամբ՝ պարարտանյութերի պակասը կարող է հանգեցնել ցանքատարածությունների կրճատման և սննդամթերքի արտադրության նվազման։ Թեև ամերիկացի ֆերմերները դեռ ունեն գարնան համար նախատեսված պաշարներ, ամռանը հնարավոր է բախվեն դեֆիցիտի։ Այս սպասումները արդեն ազդել են շուկայի վրա՝ պարարտանյութ արտադրող ընկերությունների բաժնետոմսերը աճել են 23-35 տոկոսով։

Սպասվող ճգնաժամի ֆոնին ֆերմերները կարող են փոխել իրենց ռազմավարությունը՝ նվազեցնելով պարարտանյութերի օգտագործումը կամ անցնելով ավելի քիչ պահանջարկ ունեցող մշակաբույսերի, օրինակ՝ եգիպտացորենի փոխարեն ընտրելով սոյա։ ՄԱԿ-ի գնահատմամբ՝ Մերձավոր Արևելքում պատերազմի երկարաձգումը և գազի մատակարարումների խափանումները կարող են հանգեցնել նաև սննդամթերքի գլոբալ թանկացման։