Ժամկետային զինծառայողները չեն ներգրավվի ՍՎՕ-ում. Գլխավոր շտաբ

Ռուսաստանի զինված ուժերի գլխավոր շտաբը հայտարարել է, որ ժամկետային զինծառայողները չեն ներգրավվի հատուկ ռազմական գործողության (ՍՎՕ) առաջադրանքների կատարմանը։ Այս մասին «Կրասնայա զվեզդա» թերթին տված հարցազրույցում հայտնել է Գլխավոր կազմակերպչա-մոբիլիզացիոն վարչության պետ, գեներալ-գնդապետ Եվգենի Բուրդինսկին։

Նրա խոսքով՝ ապրիլի 1-ից զորակոչվող նորակոչիկները չեն ուղարկվի ՍՎՕ գոտի, իսկ ծառայությունն ավարտած զինվորները մեկ տարվա ավարտից հետո կվերադառնան իրենց բնակության վայրեր։ Բուրդինսկին ընդգծել է, որ ժամկետային ծառայության տևողությունը մնում է անփոփոխ՝ մեկ տարի։

Գեներալ-գնդապետի խոսքով՝ ՍՎՕ-ին մասնակցում են միայն պայմանագրային զինծառայողները, և ժամկետային ծառայություն անցնողները չեն ներգրավվում այդ գործողություններին։ Ավելի վաղ Կրեմլը ևս արձագանքել էր հնարավոր նոր մոբիլիզացիայի վերաբերյալ հարցերին։