Կրծքագեղձը կորցրած կինը պատմել է քաղցկեղի անսպասելի ախտանշանի մասին
Հասարակություն
Մեծ Բրիտանիայում 43-ամյա Ջեմմա Ֆիշը դիմել է բժշկի՝ նկատելով կրծքի անհամաչափություն և հետագայում պարզել, որ ունի կրծքագեղձի քաղցկեղի ծանր՝ չորրորդ փուլ։ Նրա պատմությունը հրապարակել է Metro պարբերականը։
Կինը պատմել է, որ հղիության ընթացքում նկատել է՝ աջ կրծքը փոքրանում է, սակայն դա վերագրել է հորմոնալ փոփոխություններին։ Ծննդից հետո այդ փոփոխությունը շարունակվել է, և ժամանակի ընթացքում ձախ կրծքը դարձել է գրեթե երեք անգամ մեծ։ Ավելի ուշ նաև նկատել է, որ պտուկներից մեկը ներս է քաշվում, ինչից հետո որոշել է դիմել բժշկի։
2023 թվականին նրան ախտորոշվել է կրծքագեղձի քաղցկեղ։ Ֆիշը նշել է, որ երբեք չէր պատկերացնի, որ կրծքի չափի փոփոխությունը կարող է լինել քաղցկեղի նշան։ Վերջին երեք տարիներին նա անցել է քիմիաթերապիա, ճառագայթային բուժում, օրգանների հեռացում և երկու մաստէկտոմիա։ Քանի որ հիվանդությունը անբուժելի է, նա այժմ փորձում է ապրել ներկայով և առավել շատ ժամանակ հատկացնել իր դստերը։
ՈՒՂԻՂ ԵԹԵՐ
Ամենադիտված 
Մայիս ամսվա ոչ աշխատանքային և տոնական օրերը
