Իսրայելին բազմաթիվ պատերազմներ են սպասվում «Մեծ Իսրայել» ստեղծելու համար․ փորձագետ

Դոհայի ասպիրանտուրայի ինստիտուտի ներկայացուցիչ Մոհամադ Էլմազրին Al Jazeera-ին տված հարցազրույցում այսպիսի կարծիք է հայտնել։

Մերձավոր Արևելքի փորձագետը նշել է, որ Իսրայելն ամրապնդում է իր դիրքերը՝ լայնածավալ ռազմական ագրեսիա իրականացնելով մի քանի երկրների դեմ, քանի որ բախվում է տարածաշրջանում աճող մեկուսացմանը։

Նրա խոսքով՝ Իսրայելի վերջին՝ 271 միլիարդ դոլար բյուջեն, որը պատմության մեջ ամենամեծն է, արտացոլում է երկրի մտադրությունը՝ բազմաթիվ ճակատներում բազմաթիվ պատերազմներ վարելու։

«Կարծում եմ՝ նրանք հասկանում են, որ որպեսզի Իսրայելը իրականացնի «Մեծ Իսրայելի» իր տեսլականը, այն պետք է շատ երկար պատերազմ կամ մի քանի պատերազմ մղի»՝ Սիրիայից և Լիբանանից մինչև Պաղեստինի տարածքներ և Իրան», -ասել է Էլմազրին։