Հայաստանը առաջադրվել է «World Travel Awards 2026» միջազգային հեղինակավոր մրցանակաբաշխության երկու կարևոր անվանակարգերում

ՀՀ Զբոսաշրջության կոմիտեն հայտարարություն է տարածել: Հայտարարության մեջ մասնավորապես նշվում է. «Ուրախությամբ հայտնում ենք, որ Հայաստանը առաջադրվել է World Travel Awards 2026 միջազգային հեղինակավոր մրցանակաբաշխության երկու կարևոր անվանակարգերում՝

Եվրոպայի առաջատար մշակութային ուղղություն 2026 (Europe’s Leading Cultural Destination 2026)

Եվրոպայի առաջատար ժառանգության ուղղություն 2026 (Europe’s Leading Heritage Destination 2026)

 Այս առաջադրումը ևս մեկ անգամ հաստատում է Հայաստանի հարուստ մշակութային ժառանգությունը, ինքնատիպությունը և զբոսաշրջիկներին առաջարկվող բացառիկ փորձառությունները։

Քվեարկությունն արդեն բաց է, և աշխարհի տարբեր երկրներից թե՛ մասնագետները, թե՛ ճանապարհորդները կարող են իրենց ձայնը տալ»: