Լեհաստանը հրաժարվել է Patriot համակարգը Մերձավոր Արևելք ուղարկելուց

Լեհաստանը մտադրություն չունի իր Patriot հակահրթիռային համակարգերը ԱՄՆ-ին տրամադրել, հայտարարել է երկրի ազգային պաշտպանության նախարար Վլադիսլավ Կոսինյակ-Կամիշը։

Երեքշաբթի օրը Rzeczpospolita-ն հաղորդել է, որ ԱՄՆ-ն պահանջում է, որ Լեհաստանը իր երկու Patriot մարտկոցներից մեկը տեղափոխի Մերձավոր Արևելք։

«Մեր Patriot մարտկոցները և դրանց հրթիռները օգտագործվում են Լեհաստանի օդային տարածքը և ՆԱՏՕ-ի արևելյան թևը պաշտպանելու համար։ Այս առումով ոչինչ չի փոխվել, և մենք որևէ ծրագիր չունենք դրանք որևէ տեղ վերաբաշխելու», - գրել է Կոսինյակ-Կամիշը սոցիալական ցանցերում։

Պաշտպանության նախարարը հավելել է, որ Միացյալ Նահանգները հասկանում է Լեհաստանի դիրքորոշումը։

«Մեր դաշնակիցները գիտեն և հասկանում են մեր առաքելությունների կարևորությունը այստեղ։ Լեհաստանի անվտանգությունը մեր բացարձակ առաջնահերթությունն է», - գրել է նախարարը։