Լեհաստանի նախագահ Նավրոցկին վնասվածք է ստացել ԱՄՆ-ում մրցանակաբաշխության ժամանակ

Լեհաստանի նախագահ Կարոլ Նավրոցկին վնասվածք է ստացել ԱՄՆ-ի Դալասում լեհական սփյուռքի անդամների համար մրցանակաբաշխության ժամանակ, հաղորդում է Վարշավայի «Ֆակտ» թերթը։

Ըստ թերթի՝ Նավրոցկին արարողության ժամանակ անընդհատ նայում էր իր բթամատին։

«Մի քանի րոպե անց նախագահի մատին վիրակապ են դրել, ինչը նկատել են ուշադիր լուսանկարիչները», - նշվում է հոդվածում։

Պարբերականը ենթադրել է, որ Լեհաստանի նախագահը, հնարավոր է, վնասել է մատը մեդալներից մեկի քորոցով։ Սակայն վնասվածքի ճշգրիտ պատճառը հայտնի չէ։

Լրագրողները նշել են, որ Նավրոցկին իր ելույթում չի հիշատակել այս աննշան միջադեպը։