Պուտինը և Ալ-Սիսին քննարկել են Մերձավոր Արևելքում ստեղծված իրավիճակը

Ռուսաստանի նախագահ Վլադիմիր Պուտինը և Եգիպտոսի նախագահ Աբդել Ֆաթթահ աս-Սիսին մանրամասն քննարկել են Մերձավոր Արևելքում ստեղծված իրավիճակը և ընդգծել են ռազմական գործողությունների անհապաղ դադարեցման անհրաժեշտությունը, հաղորդում է Կրեմլի մամուլի ծառայությունը։

«Մանրամասն քննարկվել է Մերձավոր Արևելքում հակամարտության աննախադեպ սրման հետևանքով ստեղծված իրավիճակը։

Երկու կողմերն էլ ընդգծել են ռազմական գործողությունների անհապաղ դադարեցման և տարածաշրջանի բոլոր պետությունների շահերը լիովին հաշվի առնող քաղաքական ու դիվանագիտական ​​համաձայնագրերի անհրաժեշտությունը», - ասվում է հայտարարության մեջ։