Բժիշկը կոչ է արել շնչահեղձություն ունեցողներին ստուգվել սրտի քաղցկեղի համար

Սրտաբան Մարսելո Բիտենկուրտը նշել է, որ սրտի քաղցկեղի ամենատարածված ախտանշանը շնչահեղձությունն է։ Նրա խոսքով՝ ուռուցքները խանգարում են արյան բնական հոսքին, ինչի հետևանքով կարող է առաջանալ շնչառության դժվարացում՝ ինչպես ֆիզիկական ակտիվության, այնպես էլ հանգստի ժամանակ։

Բժիշկը ընդգծել է, որ այս ախտանշանը բնորոշ է նաև այլ սրտանոթային հիվանդություններին, ինչը բարդացնում է ճշգրիտ ախտորոշումը։ Այդ պատճառով մարդիկ հաճախ ուշ են դիմում բժշկի։

Մասնագետը խորհուրդ է տվել հատկապես ուշադրություն դարձնել, եթե շնչահեղձությունը ուղեկցվում է կրծքավանդակի ցավով, սրտխփոցով, ոտքերի այտուցով, անբացատրելի քաշի կորստով կամ գիշերային քրտնարտադրությամբ․ նման դեպքերում անհրաժեշտ է անցնել հետազոտություն՝ բացառելու սրտի քաղցկեղը։