Ռուբեն վարդապետ Զարգարյանը հգոևոր զրույց է անցկացրել երիտասարդների հետ

«Այսօր երեկոյան Դաշտավանի Սուրբ Աստվածածին եկեղեցին լեցուն էր բազմաթիվ հավատացյալներով, որոնք մասնակից դարձան Ավագ Երեքշաբթի օրվա գլխավոր արարողությանը՝ նվիրված Տասը կույսերի առակին»,- տեղեկանում ենք Հայ Առաքելական Եկեղեցու Մասյացոտնի Թեմից։

«Տասը երիտասարդներ՝ ձեռքերին վառվող մոմերով, կանգնեցին ատյանում՝ խորհրդանշելով այն քրիստոնյաներին, որոնք զինված հավատքով՝ պատրաստ են դիմավորելու Փրկչի ահեղ եւ փառավոր գալուստը։

Ժամերգությունը հանդիսապետում էր Մասյացոտնի թեմի առաջնորդական տեղապահ Հոգեշնորհ Տեր Ռուբեն վարդապետ Զարգարյանը։

Ընդառաջ երիտասարդների խնդրանքին՝ արարողության ավարտին տեղի ունեցավ հանդիպում Հայր Սուրբի հետ։ Հոգևոր զրույցի ընթացքում Հայր Ռուբենն անդրադարձավ օրվա խորհրդին, քրիստոնեական հավատքի զորացմանը, մշտապես հոգևոր սպառազինությամբ պատրաստ լինելուն։

Հանդիպումն ամփոփվեց երիտասարդներին հուզող հարցերի շուրջ քննարկումով, որոնք վերաբերում էին նաև Մասյացոտնի թեմի գործունեությանը և ներկա իրավիճակին»։