ՄԱԿ-ը կոչ է արել Իսրայելին հրաժարվել մահապատժի վերականգնման գաղափարից

ՄԱԿ-ի մարդու իրավունքների գերագույն հանձնակատար Վոլկեր Թուրքը կոչ է արել Իսրայելին ձեռնպահ մնալ մահապատժի վերականգնումից, որը հիմնականում կիրառվում է պաղեստինցիների դեմ։

Ավելի վաղ Իսրայելի խորհրդարանը (Քնեսեթը) օրենք էր ընդունել ահաբեկիչների նկատմամբ մահապատիժ սահմանելու մասին։ Մարդու իրավունքների գերագույն հանձնակատարը նշել էր, որ օրենքը վերականգնվել է «այն մասով, որը գրեթե բացառապես վերաբերում է պաղեստինցիներին»։

«Օրինագիծը հստակորեն խախտում է Իսրայելի միջազգային իրավական պարտավորությունները, այդ թվում՝ կյանքի իրավունքը։

Այն լուրջ մտահոգություններ է առաջացնում պատշաճ դատավարության խախտումների վերաբերյալ, խորապես խտրական է և պետք է անհապաղ չեղյալ հայտարարվի», - գործակալության կողմից տարածված մամուլի հաղորդագրության մեջ ասել է Թուրքը։