Կալլասը մեկնաբանել է ԱՄՆ պետքարտուղարի հետ կոնֆլիկտը G7-ի հանդիպման ժամանակ

Եվրոպական Միության դիվանագիտության ղեկավար Կայա Կալլասը չի հերքել իր բախումը ԱՄՆ պետքարտուղար Մարկո Ռուբիոյի հետ Ուկրաինայի շուրջ G7 հանդիպման ժամանակ, բայց երկխոսությունը անվանել է անկեղծ և բաց։

Ավելի վաղ Axios-ը հայտնել էր, որ ԱՄՆ պետքարտուղար Մարկո Ռուբիոն և Եվրոպական Միության դիվանագիտության ղեկավար Կայա Կալլասը բուռն վիճաբանել են ԱՄՆ-ի դերի վերաբերյալ ուկրաինական հակամարտության կարգավորման գործում G7-ի նախարարական հանդիպման ժամանակ։ Ըստ պորտալի՝ Կալլասի քննադատությունը առաջացրել է Ռուբիոյի սուր արձագանքը, որը սպառնացել է ԱՄՆ-ին դուրս բերել բանակցային գործընթացից։

«Անկախ նրանից, թե մենք ինչ հանդիպումներ ենք ունենում՝ լինի դա G7, թե Եվրամիություն, սրանք նախարարական հանդիպումներ են, որտեղ մենք անկեղծ և բաց մտքերի փոխանակում ենք ունենում տարբեր թեմաների շուրջ։

Մենք մանրամասն քննարկումներ ենք ունեցել Ուկրաինայի, Ուկրաինայի պատերազմի և այն մասին, թե ինչ կարող ենք անել։ Մենք նաև քննարկել ենք Մերձավոր Արևելքը, որտեղ կարող ենք համագործակցել։ Սա այնպիսի մտքերի փոխանակում է, որը մենք ունենում ենք, և նորմալ է, որ նման հանդիպումների ժամանակ մենք նաև արտահայտում ենք մեր գաղափարները», - պատասխանել է նա Axios-ի հաստատման հարցմանը։