Մեկ օրում բացահայտվել է 127 հանցագործություն, գրանցվել է 10 ավտովթար

Մեկ օրում բացահայտվել է 127 հանցագործություն, որոնցից 4-ը՝ նախկինում կատարված: Այդ մասին հայտնում են ՆԳՆ ոստիկանությունից:

Մասնավորապես՝

• 38 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
• 8 դեպք՝ թմրանյութի հայտնաբերման,
• 13 դեպք՝ ֆիզիկական ներգործության,
• 7 դեպք՝ մարմնական վնասվածք պատճառելու,
• 6 դեպք՝ խարդախության,
• 4-ական դեպք՝ հոգեկան ներգործության, փաստաթղթեր կեղծելու,
• 3-ական դեպք՝ անձնական ունեցվածքի գողության, անհետաձգելի միջամտության որոշումը կամ պաշտպանական որոշումը չկատարելու,
• 2-ական դեպք՝ գույքը ոչնչացնելու կամ վնասելու, խուլիգանության, զենք-զինամթերքի առգրավման, ծառերը, թփերը ապօրինի հատելու, աշխատանքի պաշտպանության կանոնները խախտելու, սառը զենք կրելու, ինքնիրավչության, ձերբակալվածներին կամ կալանավորվածներին պահելու վայրում կամ քրեակատարողական հիմնարկում պահվող անձի կողմից կյանքի կամ առողջության համար վտանգ ներկայացնող առարկաներ պահելու։

Բացահայտվել են նաև կողոպուտի, բնակարանային գողության, շորթման, թմրանյութի իրացման, սուտ մատնության, հրազենի նույնականացման տարրերը կեղծելու, հողը փչացնելու, բնակարանի անձեռնմխելիությունը խախտելու, ապացույցներ, բացատրություններ կամ դատավարական փաստաթղթեր կեղծելու, փոխելու արդարադատության իրականացմանը կամ գործի քննությանը միջամտելու, բնակարանի անձեռնմխելիությունը խախտելու, դատական ակտը չկատարելու, սուտ ցուցմունք տալու, դատավարության մասնակիցների լիազորությունների իրականացմանը խոչընդոտելու և այլ դեպքեր։

Նախկինում կատարված հանցագործություններից բացահայտվել են՝

• 2 դեպք՝ անձնական ունեցվածքի գողության,
• 1-ական դեպք՝ խարդախության, բնակարանային գողության։

Հայտնաբերվել է 5 հետախուզվող, կամավոր ներկայացել է 1-ը։

Հայտնաբերվել է 1 անհայտ կորած։

ՃՏՊ վիճակագրություն

Անցած 1 օրում գրանցվել է 10 ավտովթար․ 12 մարդ ստացել է տարբեր աստիճանի մարմնական վնասվածքներ։