MTV-ի աստղը վաճառել է Մոսկվայի բնակարանը՝ 107 մլն ռուբլով

Ռուսաստանից հեռանալուց հետո հայտնի հեռուստահաղորդավար և MTV-ի առաջին վիդջեյներից մեկը՝ Օլգա Շելեստը, վաճառել է իր բնակարանը Մոսկվայում։ Mash-ի հաղորդմամբ՝ գործարքը կայացել է 107 միլիոն ռուբլով, ինչը համարվում է շուկայականից ցածր գին նման անշարժ գույքի համար։

Խոսքը վերաբերում է 92 քմ մակերեսով երեքսենյականոց բնակարանին, որը գտնվում է Պատրիարքական լճերի հարևանությամբ՝ ընդամենը 200 մետր հեռավորության վրա։ Բնակարանը ունի դիզայներական վերանորոգում, երկու սանհանգույց, առանձին զգեստապահարան և մեկուսացված աշխատասենյակ՝ մոտ 14 քմ մակերեսով։

Շելեստը ընտանիքի հետ տեղափոխվել է ԱՄՆ, որտեղ նրա ամուսինը՝ Ալեքսեյ Տիշկինը, աշխատում է։ Զույգը նախկինում ևս բնակվել է ԱՄՆ-ում, իսկ նրանց երկու դուստրերը՝ Մուզան և Այրիսը, ծնվել են Նյու Յորքում և ունեն երկքաղաքացիություն։ Հաղորդավարուհին փակել է իր բիզնեսը Ռուսաստանում և այժմ եկամուտ է ստանում ԱՄՆ-ից կազմակերպվող առցանց միջոցառումներից՝ յուրաքանչյուր ելույթի համար պահանջելով շուրջ 100 հազար դոլար։