Ուկրաինայում ստորաբաժանման հրամանատարը գողացել է ավելի քան 340 անօդաչու թռչող սարք

Ուկրաինայի գլխավոր դատախազությունը հայտնել է, որ ուկրաինական զորամասի հրամանատարը գողացել է ավելի քան 340 անօդաչու թռչող սարք, որոնց արժեքը 346,500 դոլար էր, և նախատեսված էր Ուկրաինայի զինված ուժերի համար։

«Բացահայտվել է «Անօդաչու թռչող սարքերի բանակ» նախագծից ավելի քան 15,2 միլիոն գրիվնա (346,500 ԱՄՆ դոլար) արժողությամբ անօդաչու թռչող սարքերի յուրացման սխեմա: Այն կազմակերպվել էր Ուկրաինայի զինված ուժերի զորամասերից մեկի զորամասի հրամանատարի կողմից՝ երկու քաղաքացիական անձանց հետ միասին», - ասվում է գլխավոր դատախազության Telegram ալիքում հրապարակված հայտարարության մեջ։

Գործակալության տվյալներով՝ 2024 թվականի նոյեմբերից մինչև 2026 թվականի մարտը զինծառայողը շարքից հանել է զորամասերում գրանցված անօդաչու թռչող սարքեր և դրանք փոխանցել է իրենց հանցակիցներին՝ վաճառքի համար։