Ռուսաստանը կարող է աշխարհին անվտանգ երթուղիներ առաջարկել Իրանի շուրջ ստեղծված իրավիճակում․ Պուտին

Միջազգային տրանսպորտի և լոգիստիկայի ֆորումի մասնակիցներին ուղղված տեսաուղերձի ժամանակ Ռուսաստանի նախագահ Վլադիմիր Պուտինը հայտարարել է, որ Ռուսաստանը կարող է աշխարհին առաջարկել անվտանգ երթուղիներ, որոնք խիստ անհրաժեշտ են՝ հաշվի առնելով Իրանի շուրջ ստեղծված իրավիճակը, հաղորդում է ՏԱՍՍ-ը։

«Ռուսաստանը կարող է աշխարհին առաջարկել նման լուծումներ և կարևոր դեր խաղալ համաշխարհային լոգիստիկայի և միջազգային առևտրի նոր ճարտարապետության ձևավորման գործում», - ասել է Պուտինը։

Նա պարզաբանել է, որ Ռուսաստանի գործընկեր երկրների համար Ռուսաստանի լոգիստիկ երթուղիները «կարող են օգտակար լինել ինչպես տնտեսապես, այնպես էլ համաշխարհային տրանսպորտային հոսքերի դիվերսիֆիկացման առումով»։