Աչքի կոպերի թրթռումը կարող է վտանգի ազդանշան լինել․ բժիշկը զգուշացնում է լուրջ հիվանդությունների մասին

Նյարդաբանը զգուշացնում է, որ աչքի կոպերի կամ վերջույթների թրթռումը միշտ չէ, որ անվնաս է։ Մասնագետ Դիանա Հոկոնովայի խոսքով՝ նման ախտանիշը հաճախ կապված է հոգնածության, սթրեսի, կոֆեինի ավելցուկի կամ վիտամինների պակասի հետ և սովորաբար ինքնուրույն անցնում է։

Սակայն եթե թրթռումները շարունակվում են առանց ակնհայտ պատճառների, դրանք կարող են լինել ավելի լուրջ խնդիրների նշան։ Բժշկի խոսքով՝ նման դեպքերում անհրաժեշտ է դիմել մասնագետի, քանի որ ախտանիշը կարող է կապված լինել վտանգավոր հիվանդությունների հետ՝ ներառյալ գլխուղեղի և ողնուղեղի ուռուցքները, էնցեֆալիտը, մենինգիտը և այլ նյարդաբանական խանգարումներ։

Բացի այդ, նման նշանները կարող են հանդիպել նաև կողմնային ամիոտրոֆիկ սկլերոզի, բազմակի սկլերոզի, շաքարային դիաբետի, ռևմատոիդ արթրիտի կամ օրգանիզմում B խմբի վիտամինների, մագնեզիումի և երկաթի պակասի դեպքում։ Մասնագետները կոչ են անում չանտեսել երկարատև կամ կրկնվող ախտանիշները և ժամանակին դիմել բժշկի՝ բարդություններից խուսափելու համար։