Մասնավոր դպրոցի 16-ամյա աշակերտն ինքնասպան է եղել ChatGPT-ից ինքնասպանության խորհուրդ հարցնելուց մեկ օր անց

16-ամյա Լուկա Ուոքերը գնացքի գծերի վրա մահից մի քանի ժամ առաջ արհեստական բանականության չաթ-բոտին հարցրել է ինքնասպանության մասին։

Լուկան, որը վերջերս էր ավարտել հեղինակավոր մասնավոր դպրոցը և նկարագրվում էր որպես «նուրբ և բարի», կարողացել է հեշտությամբ «շրջանցել» ChatGPT-ի անվտանգության արձանագրությունները՝ պնդելով, որ ինքնասպանության մասին հարցնում է «հետազոտական» նպատակներով։Ոստիկանության աշխատակիցը, որը հետաքննել է նրա մահը, ասել է, որ Լուկայի և ChatGPT-ի զրույցը «սարսափեցնող և տխրեցնող ընթերցանություն էր»։

Հանթսի Յեյթլի քաղաքից լողորդ և կատուների սիրահար Լուկան մահացել է 2025 թվականի մայիսի 4-ին։ Նա ծնողներին ասել էր, թե գնում է իր աշխատանքի՝ որպես փրկարար։Նրա ծնողները՝ Սքոթ Ուոքերը և Քլեր Սելան, ասել են, որ պատկերացում անգամ չունեին նրա՝ հոգեկան առողջության հետ կապված խնդիրների մասին և այդ ժամանակվանից ի վեր այն նկարագրել են որպես «անտեսանելի պայքար»։

Մահվան պահին Լուկան սովորում էր Հանթսի Ֆարնբորոյի վեցերորդ դասարանի քոլեջում, նախկինում սովորել էր Հանթսի Հուկ քաղաքի մոտ գտնվող Լորդ Վանդսվորթի քոլեջում, որտեղ տարեկան մինչև 44,100 ֆունտ ստեռլինգ է վճարվում։