Սոչիի օդանավակայանում քաոս․ թռիչքները ուշանում են մինչև 17 ժամ

Սոչիի օդանավակայանում թռիչքների ուշացումները հասել են մինչև 17 ժամի՝ ապրիլի 2-ի գիշերը սահմանված սահմանափակումների պատճառով։ Այս մասին հայտնում է TourDom-ը՝ նշելով, որ սահմանափակումները լուրջ խափանումներ են առաջացրել թռիչքային ժամանակացույցում։

Ըստ տվյալների՝ թռիչքների և վայրէջքների արգելքը գործել է Մոսկվայի ժամանակով 02:37-ից մինչև 09:40։ Արդյունքում Չելյաբինսկից ժամանող ինքնաթիռը ուշանում է շուրջ 17 ժամ, իսկ Ուֆայից և Պերմից նախատեսված թռիչքները՝ համապատասխանաբար 7 և 6 ժամ։ Սահմանափակումների ընթացքում որոշ օդանավեր ստիպված են եղել վայրէջք կատարել պահեստային օդանավակայաններում։

Սոչիից մեկնող թռիչքներն էլ զգալի ուշացումներով են իրականացվում՝ մինչև 7 ժամ։ Այդ թվում է նաև AlMasria Universal Airlines-ի թռիչքը դեպի Շարմ էլ-Շեյխ։ Ավելի վաղ հաղորդվել էր, որ օդանավակայանը վերսկսել է աշխատանքը ավելի քան յոթ ժամ տևած սահմանափակումներից հետո։