Reuters. Իրանը և Միացյալ Նահանգները չեն արձագանքել Պակիստանի խաղաղության նախաձեռնությանը

Պակիստանի առաջնորդները ժամանակավոր հրադադարի առաջարկ են արել Միացյալ Նահանգներին և Իրանին, սակայն որևէ արձագանք չեն ստացել ոչ մի կողմից, հաղորդում է Reuters-ը՝ հղում անելով Պակիստանի անվտանգության մարմինների աղբյուրներին։

Ավելի վաղ Չինաստանը և Պակիստանը հանդես են եկել հինգ կետից բաղկացած համատեղ նախաձեռնությամբ՝ Պարսից ծոցում և Մերձավոր Արևելքում խաղաղությունն ու կայունությունը վերականգնելու համար։

Նրանք ընդգծել են Իրանի և Պարսից ծոցի պետությունների ինքնիշխանությունն ու տարածքային ամբողջականությունը հարգելու անհրաժեշտությունը՝ կոչ անելով հակամարտության կողմերին զերծ մնալ ուժի կիրառումից խաղաղ բանակցությունների ընթացքում։