Թրամփը սպառնացել է ոչնչացնել Իրանի կամուրջներն ու էլեկտրակայանները

ԱՄՆ նախագահ Դոնալդ Թրամփը պահանջել է, որ Իրանի կառավարությունը հնարավորինս շուտ համաձայնության գա և սպառնացել է ոչնչացնել Իսլամական Հանրապետության քաղաքացիական ենթակառուցվածքները։ Ամերիկացի առաջնորդի խոսքով՝ ամերիկյան ուժերը «դեռ չեն սկսել ոչնչացնել Իրանում մնացածը»։

«Հաջորդը կամուրջներն են, ապա՝ էլեկտրակայանները։ Իշխանության եկած նոր ռեժիմը գիտի, թե ինչ է պետք անել, և դա պետք է արագ անել», – գրել է նա Truth Social-ում՝ անդրադառնալով Թեհրանի և Վաշինգտոնի միջև կնքված համաձայնագրին։

Ապրիլի 2-ին Ալբորզ նահանգի իշխանությունները հայտնել են օդային հարվածի հետևանքով Իրանի ամենաբարդ ինժեներական կառույցներից մեկը համարվող կամրջի ոչնչացման մասին։