ՄԱԿ-ը հայտնել է Հորմուզի նեղուցում տեղի ունեցած հարձակման հետևանքով 10 նավաստիների մահվան մասին
Աշխարհ
Իրանի դեմ պատերազմի սկսվելուց ի վեր Պարսից ծոցում գրանցվել է առևտրային նավերի վրա ավելի քան 20 հարձակում։
ՄԱԿ-ի Միջազգային ծովային կազմակերպությունը (IMO) հայտնել է, որ հարվածների հետևանքով զոհվել է 10 մարդ, կան վիրավորներ։ «2026 թվականի փետրվարի 28-ին հակամարտության սկսվելուց ի վեր, IMO-ն հաստատել է առևտրային նավերի վրա 21 հարձակում, որոնց արդյունքում զոհվել է 10 ծովային, իսկ մի քանիսը ծանր վիրավորվել են։
Պարսից ծոցում գտնվող նավերի վրա մնում է մոտ 20,000 քաղաքացիական ծովային՝ բախվելով սպառված պաշարների, հոգնածության և ծանր հոգեբանական սթրեսի», – ասվում է հայտարարության մեջ։
Փետրվարի 28-ին Միացյալ Նահանգները և Իսրայելը պատերազմ սկսեցին Իրանի դեմ։ Հարվածները հասան Իրանի խոշոր քաղաքներին, այդ թվում՝ Թեհրանին։
Իսլամական հեղափոխության պահապանների կորպուսը հայտարարեց Իսրայելի վրա հարձակվելու լայնածավալ պատասխան գործողության մասին։
Հարվածներ հասան նաև Բահրեյնում, Հորդանանում, Իրաքում, Կատարում, Քուվեյթում, ԱՄԷ-ում և Սաուդյան Արաբիայում գտնվող ԱՄՆ ռազմական օբյեկտներին։
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
