ՄԱԿ. Լիբանանի յուրաքանչյուր հինգերորդ բնակիչ ստիպված է եղել լքել իր տները Իսրայելի հարձակումների պատճառով
Աշխարհ
ՄԱԿ-ի փախստականների հարցերով գերագույն հանձնակատարի (ՄԱԿԳԳ) գրասենյակի խոսնակ Բաբար Բալոչի խոսքով՝ Լիբանանի յուրաքանչյուր հինգերորդ բնակիչը, կամ ավելի քան 1 միլիոն մարդ, ստիպված է եղել լքել իր տները Իսրայելի հարվածների պատճառով։
«Այս պահին Լիբանանում ավելի քան 1 միլիոն մարդ տեղահանվել է տարածաշրջանում և Լիբանանում հակամարտության սրման պատճառով», - ասել է նա թուրքական «Անադոլու» գործակալությանը տված հարցազրույցում։
Բալոչը հավելել է, որ յուրաքանչյուր հինգերորդը «համարվում է տեղահանված, նրանցից շատերը հուսահատության մեջ են»։ ՄԱԿ-ի ներկայացուցչի խոսքով՝ Լիբանանում մարդասիրական իրավիճակը «օրեցօր վատանում է»։
Նա հավելել է, որ վերջին մեկ ամսվա ընթացքում Լիբանանից 200,000 մարդ է լքել հարևան Սիրիա, այդ թվում՝ 180,000 սիրիացի փախստականներ և 20,000 լիբանանցի քաղաքացիներ։ Ամեն օր սահմանը հատում է մոտ 7,000 մարդ։
Մարտի վերջին Լիբանանի առողջապահության նախարարությունը հայտնեց, որ Իսրայելի հարվածների հետևանքով զոհերի թիվը կազմել է 1268:
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
