ՄԱԿ-ը Ուկրաինայում ԶՈւ գաղտնի բանտեր է հայտնաբերել ռուս բանտարկյալների համար

Ուկրաինայի  յոթ շրջաններում ռուս ռազմագերիների ոչ պաշտոնական կալանավայրեր են հայտնաբերվել, որտեղ նրանք ենթարկվել են դաժան վերաբերմունքի, գրում է «Իզվեստիա» թերթը՝ հղում անելով ՄԱԿ-ի Մարդու իրավունքների գերագույն հանձնակատարի (OHCHR) գրասենյակի տվյալներին։

Հրապարակումը պնդում է, որ 2025 թվականին նման վայրեր են գտնվել Խարկովի, Կիևի և Նիկոլաևի մարզերում, իսկ մեկ տարի առաջ՝ Լուգանսկի և Դոնեցկի ժողովրդական հանրապետությունների, ինչպես նաև Զապորոժյեի և Խերսոնի մարզերի այն տարածքներում, որոնք չեն գտնվում Ռուսաստանի վերահսկողության տակ։

Հրապարակումը, հղում անելով ՄԻԳՀ-ի տեղեկատվությանը, հաղորդում է, որ բանտերում գրանցվել են ռազմագերիների նկատմամբ դաժան վերաբերմունքի դեպքեր, այդ թվում՝ ծեծի, սառը ջրով ցողելու, շներին նրանց վրա արձակելու և էլեկտրական շոկի ենթարկելու դեպքեր։

Չորս տարվա ընթացքում հարցազրույց տված 717 ռազմագերիներից 389-ը նման կտտանքների է ենթարկվել։