Delta-ն դատի է տվել ուղևորին․ ընկերությունը պնդում է՝ կինը ինքն է իրեն այրել փոխհատուցման համար

Ամերիկյան Delta ավիաընկերությունը դատական հայց է ներկայացրել իր ուղևորներից մեկի դեմ՝ նրան մեղադրելով միտումնավոր վնասվածք ստանալու մեջ՝ ֆինանսական փոխհատուցում ստանալու նպատակով։ Ինչպես հայտնում է Paddle Your Own Kanoo (PYOK)-ը, միջադեպը տեղի է ունեցել 2024 թվականի օգոստոսին՝ Դետրոյտից Ամստերդամ իրականացվող չվերթի ժամանակ։

Ըստ տվյալների՝ բուժքույր Քիմբերլի Հիքին թռիչքի ընթացքում պատվիրել է սուրճ, ինչից հետո բորտուղեկցորդուհին սեղանին դրել է տաք ջրով բաժակ։ Կինը ստացել է այրվածքներ՝ ջուրը իր վրա թափվելու հետևանքով և 2025 թվականի մարտին դիմել է դատարան՝ պահանջելով շուրջ 215 հազար դոլարի փոխհատուցում։ Սակայն ընկերության ներքին քննությունը ցույց է տվել, որ անձնակազմը մեղավոր չէ, իսկ ուղևորը, ըստ Delta-ի, ինքն է պատահաբար շրջել բաժակը։

Ավիաընկերությունը նաև նշել է, որ միջադեպից հետո ուղևորին առաջարկվել է օգնություն, սակայն նա հրաժարվել է և շարունակել նստել թաց հագուստով։ Այժմ Delta-ն պահանջում է կասեցնել գործը, մինչդեռ դատարանը դեռ վերջնական որոշում չի կայացրել։ Դեպքը կրկին ուշադրություն է հրավիրել օդային փոխադրումների ընթացքում անվտանգության և պատասխանատվության հարցերի վրա։