Շվեդիայում հանցագործությունների կասկածանքով՝ նավ է կալանվել

Շվեդիայի ափային պահպանության աշխատակիցները թագավորության հարավային ափին գտնվող Իստադ քաղաքի մոտ կալանել են «Ֆլորա 1» նավը՝ շրջակա միջավայրի պաշտպանության ոլորտում հանցագործությունների կասկածանքով։ Այս մասին սոցիալական ցանցերում հայտարարել է քաղաքացիական պաշտպանության նախարար Կարլ-Օսկար Բոհլինը։

«Այսօր վաղ առավոտյան Ափային պահպանության ծառայությունը բարձրացել է Իստադից հարավ գտնվող կասկածելի կեղծ դրոշով «Ֆլորա 1» նավը։ Նավը կալանվել է և կասկածվում է Գոտլանդից արևելք, Շվեդիայի բացառիկ տնտեսական գոտում, նավթի արտահոսքից հետո շրջակա միջավայրի պաշտպանության հանցագործություններ կատարելու մեջ։ Նախնական հետաքննություն է ընթանում դատախազության ղեկավարությամբ», - ասվում է հայտարարության մեջ։

Ափային պահպանության մամուլի հաղորդագրության համաձայն՝ «պարզվել է, որ նավը գտնվում է ԵՄ պատժամիջոցների ցանկում, և նաև նավի հետ կապված մի քանի անհասկանալի հանգամանքներ, այդ թվում՝ նրա դրոշը»։

Հայտարարության մեջ նաև նշվում է, որ «հինգշաբթի վաղ առավոտյան Ափային պահպանության ինքնաթիռը Գոտլանդից արևելք հայտնաբերել է հանքային նավթի արտահոսք, որը այդ պահին տարածվում էր ավելի քան 12 կմ»։ Նավը, իր անձնակազմի 24 անդամով, ուղևորվում էր «Ֆինլանդական ծոցի նավահանգստից»։