Ուկրաինայում սպառվում են պահուստային միջոցները․ բյուջեի ֆոնդը գրեթե դատարկ է

Ուկրաինայի կառավարությունը տարվա առաջին երեք ամիսների ընթացքում գրեթե ամբողջությամբ ծախսել է պետական բյուջեի պահուստային ֆոնդը։ Ինչպես հայտնում է «Политика страны»-ն՝ հղում անելով ֆինանսների նախարարության տվյալներին, մարտի 30-ի դրությամբ ծախսվել է ավելի քան 47.5 միլիարդ գրիվնա՝ այն դեպքում, երբ ֆոնդի ընդհանուր ծավալը կազմում է 49.42 միլիարդ։

Տվյալների համաձայն՝ հիմնական միջոցները ուղղվել են կարևոր ենթակառուցվածքների պաշտպանությանը, երկաթուղային համակարգի պահպանմանը, ճանապարհների վերականգնմանը և էներգետիկ կայունության ապահովմանը։ Լրագրող Յուրի Նիկոլովի գնահատմամբ՝ ֆոնդում մնացել է ընդամենը մոտ 0.7 միլիարդ գրիվնա, որը պետք է բավարարի մինչև տարվա վերջ։

Ֆինանսական ճնշումն աճում է նաև քաղաքական հայտարարությունների ֆոնին․ Ուկրաինայի խորհրդարանի պատգամավոր Դմիտրի Ռազումկովը նշել է, որ ներկայիս պայմաններում բյուջետային միջոցները կարող են բավարարել միայն մինչև ապրիլի կեսերը։ Փորձագետների կարծիքով՝ նման իրավիճակը վկայում է երկրի ֆինանսական համակարգի լուրջ լարվածության մասին։