Էրդողանը Պուտինին հայտարարել է Նեթանյահուին կասեցնելու անհրաժեշտության մասին

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ, հաղորդում են թուրքական լրատվամիջոցները։

Էրդողանը հայտարարել է, որ անհրաժեշտ է կասեցնել Նեթանյահուի կառավարության ագրեսիվ քաղաքականությունը տարածաշրջանում և կանխել «Ալ-Քուդս» ուժերի կարգավիճակը խաթարելուն ուղղված Իսրայելի քայլերը։

Նա նշել է, որ ուշադիր հետևում է Սիրիայում տիրող իրավիճակին և ընդգծել, որ այդ երկրում կայունությունն ամրապնդելու ցանկացած քայլ համապատասխանում է Անկարայի և Մոսկվայի ընդհանուր շահերին, իսկ այնտեղ ձեռք բերված արդյունքները չպետք է վտանգվեն։

Էրդողանն ընդգծել է նաև Ռուսաստանի և Ուկրաինայի միջև պատերազմում խաղաղության հասնելու Անկարայի ջանքերի տապալումը կանխելու կարևորությունը։ Նա շեշտել է, որ Թուրքիան բոլոր կողմերին խորհուրդ է տալիս զերծ մնալ լարվածության սրման հանգեցնող քայլերից։

Նա նշել է, որ Սև ծովում քաղաքացիական նավերի վրա հարձակումները խաթարում են կայունությունը և հավելել, որ Իրանի շուրջ պատերազմը չպետք է նոր հակամարտության գոտիներ ստեղծի ռուս-ուկրաինական ճգնաժամի համատեքստում։