Մեքենայի հրկիզումը բացեց մեծ գաղտնիք․ ոստիկանները հայտնաբերեցին նարկոլաբորատորիա

Ռուսաստանի Ժելեզնոգորսկ քաղաքում ոստիկանները ձերբակալել են թանկարժեք արտասահմանյան մեքենա հրկիզած տղամարդու, որի տանը հայտնաբերվել է ամբողջական թմրանյութերի լաբորատորիա։ Այս մասին հայտնում է ՌԴ ՆԳՆ Կրասնոյարսկի երկրամասի գլխավոր վարչություն-ը։

Դեպքը սկսվել էր այն բանից հետո, երբ հաղորդում էր ստացվել բնակելի շենքի բակում կայանված Haval F7x մակնիշի ավտոմեքենայի հրդեհի մասին։ Մեքենան ստացել էր ծանր վնասներ, իսկ սեփականատիրոջ կրած վնասը գնահատվել էր մոտ 4 միլիոն ռուբլի։ Շուտով իրավապահները հայտնաբերել և ձերբակալել են 1989 թվականին ծնված տեղացի տղամարդուն, ով խոստովանել է, որ հրդեհել է մեքենան՝ վրեժ լուծելու համար․ նրա խոսքով՝ ավտոմեքենան քիչ էր մնում իրեն վրաերթի ենթարկեր հետիոտնային անցումում։

Քննության ընթացքում ոստիկանները խուզարկել են կասկածյալի տունը և հայտնաբերել իրական նարկոլաբորատորիա։ Պարզվել է, որ նա հատուկ սարքավորումներով աճեցնում էր թմրամիջոց պարունակող բույսեր և պատրաստի արտադրանքը փաթեթավորում էր լուցկու տուփերի մեջ։ Ընդհանուր առմամբ առգրավվել է 22 գրամ մարիխուանա։ Տղամարդուն մեղադրանք է առաջադրվել թե՛ գույքի դիտավորյալ ոչնչացման, թե՛ թմրանյութերի ապօրինի արտադրության փորձի համար, և նա գտնվում է կալանքի տակ։