«Սոյուզ-5»-ի մեկնարկը կրկին հետաձգվեց․ Բայկոնուրում ստուգումները չեն ավարտվել

Ռուսաստանի նորագույն Սոյուզ-5 հրթիռի մեկնարկը, որը նախատեսված էր ապրիլի 4-ին Բայկոնուր տիեզերակայան-ից, կրկին հետաձգվել է։ Տեղեկությունը հայտնում է ԿազՏԱԳ-ը՝ հղում անելով տիեզերակայանի աղբյուրին։

Ըստ աղբյուրի՝ մեկնարկը տեղափոխվել է լրացուցիչ տեխնիկական ստուգումների անհրաժեշտության պատճառով։ Խոսքը վերաբերում է ինչպես մեկնարկային համալիրի սարքավորումներին, այնպես էլ կրող հրթիռի համակարգերին։ Նշվում է, որ վերջնական որոշումը նոր ամսաթվի վերաբերյալ կընդունի պետական հանձնաժողովը՝ բոլոր դիտարկումների վերացումից հետո։

«Սոյուզ-5»-ը (նաև հայտնի որպես «Սունկար») երկաստիճան հրթիռ է՝ մոտ 530 տոննա մեկնարկային զանգվածով։ Այն նախատեսված է մինչև 18 տոննա օգտակար բեռ տեղափոխելու համար երկրամերձ ուղեծիր։ Հրթիռը Բայկոնուր էր տեղափոխվել դեռ նոյեմբերին, իսկ մեկնարկային հարթակ էր դուրս բերվել մարտի 31-ին։ Նշենք, որ ծրագրի շրջանակում սա արդեն առաջին հետաձգումը չէ։