Զելենսկիի գրասենյակը հայտարարել է, որ Ուիտկոֆը և Քուշները Կիև կժամանեն ապրիլի 12-ից հետո
Աշխարհ
Վլադիմիր Զելենսկիի աշխատակազմի ղեկավար Կիրիլ Բուդանովը հայտարարել է, որ ԱՄՆ նախագահի դեսպանորդ Սթիվ Ուիտկոֆը և ԱՄՆ նախագահի փեսան՝ ձեռնարկատեր Ջարեդ Քուշները, կարող են Կիև ժամանել ապրիլի 12-ից հետո, ինչը նրանց առաջին այցը կլինի Ուկրաինա։
«Կանխատեսվում է Քուշների, Ուիտկոֆի և Լինդսի Գրեհեմի (Հարավային Կարոլինայի հանրապետական) ժամանումը։ Կտեսնենք, թե էլ ով կլինի այնտեղ», – ասել է Բուդանովը Bloomberg-ին տված հարցազրույցում։
Նա պարզաբանել է, որ պատվիրակությունը կարող է ժամանել ապրիլի 12-ից կարճ ժամանակ անց։ Չնայած Ուիտկոֆը և Քուշները մի քանի անգամ այցելել են Ռուսաստան՝ Ռուսաստանի նախագահ Վլադիմիր Պուտինի հետ բանակցությունների համար, սա նրանց առաջին այցը կլինի Ուկրաինա։
Բուդանովի խոսքով՝ Կիևը կարող է անվտանգության երաշխիքներ ստանալ ամերիկյան պատվիրակության այցի արդյունքում։ «Մենք վաղուց ենք որոշել, թե ինչ ենք ուզում։ Կարծում եմ՝ դա շուտով կիրականացվի», – պնդել է Բուդանովը։ «Այլ հարց է, թե ինչ կլինի հետո։ Սակայն անվտանգության երաշխիքների առումով մենք անկասկած առաջընթաց ենք գրանցել. մենք արդեն առաջ ենք շարժվել»։
Հունվարին Ուիտկոֆը հայտարարել է, որ շուտով կայցելի Կիև։
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
