Հռոմի պապը հայտարարել է ապրիլի 11-ին՝ Սուրբ Զատկի տոնի ժամանակ խաղաղության համար աղոթքի մասին

Հռոմի պապ Լևոն XIV-ը ապրիլի 11-ին՝ ուղղափառ Զատկի նախօրեին, խաղաղության աղոթք է  հայտարարել։ Նա այդ հայտարարությունը արել է կաթոլիկներին ուղղված իր ավանդական Զատկական ուղերձում՝ «Urbi et Orbi» («Քաղաքին և աշխարհին»)։

«Եկեք խաղաղության կոչը լսենք սրտից։ Այդ պատճառով ես բոլորին հրավիրում եմ միանալ ինձ խաղաղության աղոթքին, որը մենք կանցկացնենք այստեղ՝ Սուրբ Պետրոսի հրապարակում, հաջորդ շաբաթ՝ ապրիլի 11-ին», -հայտարարել է պապը։

«Այս տոնական օրը եկեք հրաժարվենք թշնամանքի, գերիշխանության և իշխանության բոլոր ցանկություններից և աղոթենք Տիրոջը, որ խաղաղություն շնորհի պատերազմից ավերված և ատելությամբ ու անտարբերությամբ նշանավորված աշխարհին, որը մեզ անզոր է դարձնում չարիքի առջև»,-ՏԱՍՍ-ի փոխանցմամբ, ասել է Լևոն XIV-ը։

Նա մեջբերեց իր նախորդին՝ Հռոմի պապ Ֆրանցիսկոսին, պատերազմների և տնտեսական խնդիրների տառապանքների նկատմամբ «անտարբերության գլոբալացման» մասին խոսքերը։ Ֆրանցիսկոսը մահացավ անցյալ տարի Զատկից հետո՝ ապրիլի 21-ին, տոնի օրը հավատացյալներին վերջին անգամ դիմելուց հետո։ Այս Զատիկը Լևոն XIV-ի առաջինն է որպես Հռոմի կաթոլիկ եկեղեցու ղեկավար։