Աբու Դաբիում գտնվող ռադարների վերանորոգման կայանի վրա բեկորներ են ընկել

ԱՄԷ-ի էմիրության մայրաքաղաք Աբու Դաբիի արդյունաբերական գոտում գտնվող Raneen Systems ռադարների վաճառքի և վերանորոգման կենտրոնի վրա բեկորներ են ընկել, հայտնել է էմիրության կառավարության մամուլի ծառայությունը։

«Աբու Դաբիի իշխանությունները արձագանքել են Մուսաֆայի ICAD տարածքում գտնվող Raneen Systems-ի օբյեկտի վրա բեկորների ընկնելու միջադեպին, այն բանից հետո, երբ ՀՕՊ համակարգերը հաջողությամբ որսացել են բեկորները», - ասվում է հայտարարության մեջ։

Մամուլի ծառայության տվյալներով՝ բեկորների ընկնելու հետևանքով Գանայի քաղաքացին միջին ծանրության վնասվածքներ է ստացել։

Փետրվարի 28-ին ԱՄՆ-ն և Իսրայելը սկսեցին հարվածներ հասցնել Իրանում գտնվող թիրախներին, այդ թվում՝ Թեհրանին, ինչը հանգեցրեց վնասների և քաղաքացիական զոհերի։ Իրանը պատասխան հարվածներ է հասցնում Իսրայելի տարածքում, ինչպես նաև Մերձավոր Արևելքում գտնվող ԱՄՆ ռազմական թիրախներին։