Բաշար Ասադը կորցրել է իշխանությունը պահպանելու իր հնարավորությունները. Մեդվեդև
Ռուսաստան
«Քիչ հավանական է, որ Բաշար Ասադը կկարողանա պահպանել իշխանությունը»,-այս մասին նշել է Ռուսաստանի վարչապետ Դմիտրի Մեդվեդևը CNN գործակալությանը տված հարցազրույցի ժամանակ, սակայն նաև շեշտել է, որ օտար պետությունների միջամտությունն այս հարցում ընդունելի չէ:
«Ռուսաստանի Դաշնությունը Սիրիայի և Բաշար Ասադի միակ դաշնակիցը չի եղել, այլ շատ եվրոպական պետություններ ևս աջակցել են վերջինիս»,-այս մասին նշել է նա և ավելացրել, որ Ռուսաստանը երբեք չի ասել, որ ներկա քաղաքական ռեժիմի և Բաշար Ասադի իշխանության պահպանումն իր նպատակն է, քանի որ այդ որոշումը պետք է կայացվի Սիրիայի բնակչության կողմից:
Հիշեցնենք, որ մինչ այս ևս Ռուսաստանը հանդես էր եկել հայտարարությամբ, որ Բաշար Ասադը, քիչ հավանական է, որ կարողանա պահպանել իր իշխանությունը: Այսպես՝ ՌԴ նախագահ Վլադիմիր Պուտինը դեկտեմբերին նշել էր, որ Ռուսաստանն «ամեն գնով» չի շարունակի օժանդակել Սիրիային: ՌԴ ԱԳ փոխնախարար Միխայիլ Բոգդանովը Պուտինի հայտարարությունից մի քանի օր առաջ նշել էր, որ Ռուսաստանը չի բացառում ընդդիմադիր ուժերի հաղթանակը:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
