Թեհրանը հրաժարվում է 45-օրյա հրադադարից
Աշխարհ
Իրանի արտաքին գործերի նախարարության խոսնակ Էսմայիլ Բաղաեի-ն հայտարարել է, որ Թեհրանը մերժել է հրադադարի նոր առաջարկը։
Նրա խոսքով՝ նման առաջարկը քննարկվել է այն բանից հետո, երբ ԱՄՆ նախագահ Դոնալդ Թրամփ-ը կոչ էր արել վերաբացել Հորմուզի նեղուցը։
Տարածված տեղեկությունների համաձայն՝ Իրանի և ԱՄՆ-ի կողմերին է փոխանցվել Եգիպտոսի, Պակիստանի և Թուրքիայի կողմից մշակված առաջարկի նախագիծը, որը նախատեսում է 45-օրյա հրադադար և Հորմուզի նեղուցի վերաբացում։ Առաջարկի նպատակը ժամանակավոր պայմաններ ստեղծելն է՝ ավելի լայն բանակցությունների և հնարավոր երկարաժամկետ խաղաղության համաձայնագրի համար։
Նշվում է, որ առաջարկը Պակիստանի կողմից փոխանցվել է Իրանի արտաքին գործերի նախարար Աբբաս Արաղչի-ին և ԱՄՆ հատուկ դեսպանորդ Սթիվ Ուիթքոֆ-ին։
IRNA-ի փոխանցմամբ՝ Թեհրանը հրաժարվել է ժամանակավոր հրադադարի տարբերակից՝ պահանջելով հակամարտության ամբողջական և մշտական դադարեցում՝ իր պայմաններով։
Վաշինգտոնը դեռևս չի արձագանքել առաջարկին։
ՈՒՂԻՂ ԵԹԵՐ
Ամենադիտված 
«Ակնկալում ենք հրապարակային պարզաբանում և ներողություն». Բելգիայի հայ համայնքը վիրավորվել ու հիասթափվել է Վաչե Թովմասյանից
