51 տարի անց բացահայտում․ Թեդ Բանդիի հերթական զոհը վերջապես հաստատվեց

ԱՄՆ-ում նոր ապացույցներով հաստատվել է, որ 1974 թվականին սպանված աղջիկը դարձել է հայտնի սերիական մարդասպան Թեդ Բանդի-ի զոհը։ Այս մասին հայտնում է Mirror-ը՝ նշելով, որ գործը լուծվել է հանցագործությունից ավելի քան կես դար անց։

Լաուրա Էնն Էյմը անհետացել էր Հելոուինի գիշերը՝ երեկույթից խանութ գնալուց հետո։ Նրա մարմինը մեկ ամիս անց հայտնաբերվել էր մայրուղու եզրին՝ կապված և դաժանորեն ծեծված վիճակում։ Թեպետ քննիչները վաղուց էին կասկածում Բանդիի ներգրավվածությանը, և նա անգամ մահապատժից առաջ խոստովանել էր հանցագործությունը, միայն այժմ ԴՆԹ-ի փորձաքննությամբ հնարավոր է դարձել վերջնականապես ապացուցել նրա մեղքը։

Հանցագործության պահին Բանդին բնակվում էր Սոլթ Լեյք Սիթիում և սովորում իրավագիտություն։ Նրա ձերբակալությունը 1975 թվականին մեծ արձագանք էր ստացել, քանի որ արտաքինով գրավիչ և խարիզմատիկ տղամարդը չէր համապատասխանում դաժան մարդասպանի դասական պատկերին։ Նշվում է, որ Բանդիի զոհերի թիվը կազմում է առնվազն 30 մարդ։