Ռուսաստանում կտրուկ աճել են Toyota-ի վաճառքները․ Highlander-ը գրանցել է գրեթե 400% աճ

Ռուսաստանում 2026 թվականի առաջին երեք ամիսներին գրանցվել է Toyota մակնիշի 6914 նոր ավտոմեքենա, ինչը նախորդ տարվա նույն ժամանակահատվածի համեմատ աճել է 111%-ով։ Այս մասին հայտնում է ավտոանալիտիկ Սերգեյ Ցելիկովը՝ նշելով, որ վաճառքների հիմնական շարժիչ ուժը եղել են RAV4 քրոսովերը և Highlander ամենագնացը։

Փորձագետի տվյալներով՝ 2025 թվականի նույն ժամանակահատվածում գրանցվել էր ընդամենը 3283 մեքենա, այսինքն՝ շուկան գրեթե կրկնապատկվել է։ Արդյունքում Toyota-ի շուկայական մասնաբաժինը Ռուսաստանում հասել է 2.6%-ի։ Ամենամեծ աճը գրանցել է Highlander-ը՝ շուրջ 396%, իսկ RAV4-ը՝ 170% աճով։

Վաճառքների առաջատար հնգյակում ընդգրկվել են նաև Camry, Land Cruiser Prado 150 և Corolla մոդելները, ընդ որում վերջինը միակն է, որի վաճառքները նվազել են՝ 13%-ով։ Ցելիկովի խոսքով՝ գրանցված Toyota ավտոմեքենաների շուրջ 88%-ը արտադրված են Չինաստանում, ինչը ցույց է տալիս, որ բրենդը ռուսական շուկայում շարունակում է ակտիվ ներկայություն պահպանել՝ չնայած պաշտոնական հեռանալուն։