Աղջիկը դարձել է հաշմանդամ՝ դեպրեսիա համարած հիվանդությունից հետո

Մեծ Բրիտանիայում ուսանողուհի Լյուսին դարձել է հաշմանդամ այն բանից հետո, երբ նրա լուրջ հիվանդությունը երկար ժամանակ սխալմամբ համարվել է դեպրեսիա։ Նրա պատմությունը հրապարակել է Metro-ն՝ ընդգծելով, որ սկզբում աղջիկը բողոքել է ուժեղ միգրեններից և հալյուցինացիաներից, սակայն բժիշկները դրանք վերագրել են հոգեկան խնդիրների։

Հոսպիտալացման ընթացքում նրան նշանակվել է էլեկտրաշոկային թերապիա, որի արդյունքում առաջացած նոպայի ժամանակ նա ընկել է և վնասել սեանյարդը, ինչի հետևանքով ձախ ոտքը կաթվածահարվել է ծնկից ներքև։ Միայն դուրսգրվելուց հետո բժիշկները հայտնաբերել են իրական ախտորոշումը՝ աուտոիմուն էնցեֆալիտ՝ ուղեղի վտանգավոր բորբոքում, որը կարող է առաջացնել անդառնալի հետևանքներ։

Այսօր Լյուսին փորձում է հաղթահարել սխալ բուժման հետևանքները և սովորում է քայլել օրթոպեդիկ հենակով։ Միևնույն ժամանակ, նրա պատմությունը դարձել է նաև սոցիալական խնդրի օրինակ․ նա ակտիվ է սոցիալական ցանցերում, սակայն հաճախ բախվում է անպատշաճ հաղորդագրությունների և իր առողջական վիճակի նկատմամբ անհարգալից վերաբերմունքի, ինչը լրացուցիչ հոգեբանական ճնշում է ստեղծում նրա համար։