Ռուսաստանում կոչ են անում «Օրեշնիկով» հարվածել Ուկրաինային․ կոշտ հայտարարություն Պետդումայից

Ռուսաստանի Պետդումայի պաշտպանության հանձնաժողովի անդամ Անդրեյ Կոլեսնիկ-ը հայտարարել է, որ Ուկրաինան «վաղուց արժանի է» «Օրեշնիկ» հրթիռային համալիրով հարվածի։ «Լենտա.ռու»-ին տված հարցազրույցում նա նշել է, որ Կիևը պետք է պատասխան տա իր գործողությունների համար՝ ընդգծելով իրավիճակի սրումը։

Կոլեսնիկի խոսքով՝ նման զենքի կիրառման որոշումը կախված է Ռուսաստանի ռազմական ղեկավարությունից, սակայն նա նշել է մի շարք դեպքեր, որոնք, ըստ նրա, «անպատասխան չեն մնա»։ Խոսքը վերաբերում է Նովոռոսիյսկի վրա հարվածներին, Ազովի ծովում բեռնատար նավի խորտակմանը և անօդաչու թռչող սարքերի հարձակումներին։

Միևնույն ժամանակ, ըստ Insider UA-ի, Ռուսաստանը կարող է մոտ ժամանակներում կիրառել «Օրեշնիկ» համակարգը՝ հնարավոր հարվածներով Կիևի, Լվիվի և Ստարոկոնստանտինովի ուղղությամբ։ Փորձագետները նշում են, որ այս հրթիռը կարող է դժվար խոցելի լինել հակաօդային պաշտպանության համակարգերի համար, ինչը ավելացնում է լարվածությունը տարածաշրջանում։