NYT. Իրանը խաղաղության դեպքում ցանկանում է 2 միլիոն դոլար գանձել Հորմուզի նեղուցով անցնելու համար

Իրանի կողմից պատերազմի ավարտի առաջարկվող ծրագիրը նախատեսում է 2 միլիոն դոլարի տուրք Հորմուզի նեղուցով անցնող նավերի համար, հաղորդում է The New York Times-ը (NYT)՝ հղում անելով անանուն իրանցի պաշտոնյաների։

Հրատարակության տվյալներով՝ 10 կետից բաղկացած ծրագիրը նախատեսում է, որ ԱՄՆ-ն և Իսրայելը կխուսափեն Իրանի վրա ապագա հարձակումներից։ Այն նաև նախատեսում է, որ Իսրայելը կխուսափի Լիբանանում «Հեզբոլլահի» դիրքերին հարվածելուց և կվերացնի բոլոր պատժամիջոցները։ Դրա դիմաց Իրանը կդադարեցնի Հորմուզի նեղուցում նավագնացության արգելափակումը և կսկսի գանձել մոտավորապես 2 միլիոն դոլարի չափով տուրք յուրաքանչյուր նավի համար։

Թեհրանը նաև մտադիր է այս միջոցները կիսել նեղուցի մյուս կողմում գտնվող Օմանի հետ։

Իրանը ստացված եկամտի իր բաժինը կօգտագործի Իսրայելի և ԱՄՆ-ի հարվածների հետևանքով ավերված ենթակառուցվածքները վերականգնելու համար։